Bir foto iki cinayət sayıldı: Ali Məhkəmə bəraəti ləğv etdi

Türkiyənin Bursa şəhərində xəstəxanalardan birində baş verən hadisə məhkəmə mübahisəsinə səbəb olub.

Sonxeber.az türk mediasına istinadən xəbər verir ki, məlumata görə, gecə növbəsində işləyən aşpaz yatan iş yoldaşının fotosunu çəkərək onu rəhbərliyə göndərib. Hadisə ilə bağlı şikayət əsasında məhkəmə qarşısına çıxarılan şəxs barəsində bəraət qərarı verilib.

Lakin qərardan verilən apellyasiya şikayəti nəticəsində Türkiyənin Ali Məhkəməsi (Yargıtay) hökmü ləğv edib. Qərarda qeyd olunub ki, fotoşəklin çəkilməsi və üçüncü şəxslə paylaşılması ayrı-ayrılıqda "şəxsi həyatın toxunulmazlığının pozulması" cinayətini təşkil edir.

Məhkəmə təqsirləndirilən şəxsin iki ayrı əmələ görə məsuliyyət daşımalı olduğu qənaətinə gəlib. Qərarın presedent xarakteri daşıdığı bildirilir.

Telegramda izləyin