Ailə tərəfindən himayəyə götürülən "uşağın" 37 yaşında olduğu ortaya çıxdı

Braziliyada baş verən qeyri-adi dələduzluq hadisəsi ölkə ictimaiyyətinin diqqətini cəlb edib. Özünü zorakılıq və istismar qurbanı olan 12 yaşlı qız kimi təqdim edən şəxsin əslində 37 yaşlı qadın olduğu müəyyən edilib.

Sonxeber.az xarici mediaya istinadən xəbər verir ki, məlumata görə, qadın xeyriyyəçi bir ailənin etimadını qazanaraq təxminən 14 ay ərzində onların yanında uşaq kimi yaşayıb. O, bu müddət ərzində özünü azyaşlı kimi aparıb və ailəni yaşına dair yalan məlumatlarla aldadıb.

Hadisə ailə üzvlərindən birinin vəziyyətdən şübhələnməsi və bu barədə polisə məlumat verməsindən sonra üzə çıxıb. Aparılan araşdırmalar nəticəsində şəxsin təqdim etdiyi məlumatların həqiqəti əks etdirmədiyi müəyyənləşdirilib.

Hüquq-mühafizə orqanları hadisə ilə bağlı istintaq tədbirlərini davam etdirir. Qadının motivləri və dələduzluq yolu ilə əldə etdiyi mümkün üstünlüklərlə bağlı araşdırmalar aparılır.

Telegramda izləyin