Faciəvi hadisə: bacısını xilas etdi, dəqiqələr sonra infarkt keçirtdi

Türkiyənin Erzurum şəhərində baş verən faciəvi hadisə böyük kədərə səbəb olub. Ömər Tutaş səhər yeməyi zamanı qəfil halı pisləşən bacısı Şeyma Tutaşa müdaxilə edərək onun həyatını xilas edib.

Sonxeber.az türk mediasına istinadən xəbər verir ki, məlumata görə, Şeyma Tutaşın dili boğazına qaçdıqdan sonra Ömər Tutaş vaxtında müdaxilə edərək bacısının nəfəs yolunu açmağa nail olub. Şeyma Tutaş daha sonra təcili tibbi yardım briqadası tərəfindən xəstəxanaya aparılıb.

Lakin bacısının xəstəxanaya çatdırılmasından qısa müddət sonra Ömər Tutaşın özü infarkt keçirib. Xəstəxanaya çatdırılan kişi həkimlərin səylərinə baxmayaraq həyatını itirib.

Ürək xəstəliyindən əziyyət çəkdiyi bildirilən Ömər Tutaşın dostlarının təkidi ilə həmin gün saat 15:00 üçün xəstəxanadan müayinə növbəsi aldığı da qeyd olunub.

Telegramda izləyin