Gənc qızın məzuniyyət tədbirində etdiyi rəqsə görə diplomunu vermirlər - VİDEO

ABŞ-ın Çikaqo şəhərində keçirilən orta məktəb məzuniyyət mərasimində 18 yaşlı Tyvion Kempbell səhnədə etdiyi rəqsə görə qalmaqalın mərkəzinə düşüb.

Sonxeber.az xarici mediaya istinadla xəbər verir ki, yüksək nəticələrlə məzun olan Kempbell diplomunu almaq üçün səhnəyə çıxarkən rəqs etməyə başlayıb. Məktəb rəhbərliyi isə bu davranışı mərasimin qaydalarına hörmətsizlik kimi qiymətləndirərək onu tədbirdən uzaqlaşdırıb və diplomunu təqdim etməyib.

Sosial şəbəkələrdə geniş müzakirələrə səbəb olan hadisə istifadəçiləri iki düşərgəyə bölüb. Bəziləri bunu sadəcə sevinc nümayişi hesab etsə də, digərləri məktəb tədbirinə yaraşmayan davranış kimi qiymətləndiriblər.

Kempbell isə rəqsi əvvəlcədən planlaşdırdığını etiraf edib və məktəbin bu qərarından məyus olduğunu bildirib. Hazırda o, diplomunu almaq üçün məktəb rəhbərliyi ilə keçiriləcək intizam görüşünü gözləyir.

Telegramda izləyin