Nişanlısının hərbi xidmət pulunu ödəmədiyi üçün tərk edildi

Türkiyədə maraqlı bir ayrılıq hadisəsi sosial şəbəkələrdə geniş müzakirələrə səbəb olub. İddiaya görə, nişanlısının ödənişli hərbi xidmət (bedelli askerlik) haqqını qarşılamağı qəbul etməyən qadın gözlənilmədən ayrılıq mesajı alıb.

Sonxeber.az türk mediasına istinadən xəbər verir ki, qadının paylaşdığı mesajda nişanlısı ona ünvanladığı sözlərdə, "Səndən cəmi 3 qızıl bilərzik istədim. 6 ay mənsiz qalmaq daha yaxşı olacaqdı?" ifadələrini işlədib.

Mesajın davamında kişi, "Bu gün məndən 3 bilərziyi əsirgəyən sabah mənim zəhmətimi də heçə sayar" sözləri ilə münasibətə son verdiyini bildirib.

Sosial mediada sürətlə yayılan hadisə istifadəçilər arasında fərqli reaksiyalar doğurub. Bəziləri kişinin tələbini haqsız hesab edərkən, digərləri isə münasibətlərdə maddi məsələlərin öncədən açıq şəkildə müzakirə edilməsinin vacibliyini vurğulayıblar.

Hadisə qısa müddətdə sosial şəbəkələrin ən çox müzakirə olunan mövzularından birinə çevrilib.

Telegramda izləyin