İdmandan evə qayıdan gənc qız onu izləyən oğlanı döyüb - VİDEO

Sosial şəbəkələrdə yayılan görüntülərdə idmana getdikdən sonra evinə qayıtdığını bildirən qadın onu izlədiyini iddia etdiyi velosipedli şəxslə mübahisə edib.

Sonxeber.az xarici mediaya istinadla xəbər verir ki, gecə saatlarında çəkildiyi bildirilən görüntülərdə qadın bir müddətdir arxasınca gəldiyini düşündüyü velosipedli şəxsə etiraz edir. O, həmin şəxsi telefonunun kamerası ilə çəkməyə başlayıb.

Kadrlarda tərəflər arasında əvvəlcə sözlü mübahisənin yaşandığı görünür. Daha sonra gərginlik artıb və qadın özünü izlədiyini düşündüyü şəxsə doğru hərəkət edərək ona fiziki müdaxilə edib.

Hadisə zamanı tərəflər arasında qarşılıqlı ittihamlar və söz atışmaları da qeydə alınıb. Görüntülərdə ətraf küçələr və park edilmiş avtomobillər də əks olunub.

Hadisənin hansı şəhərdə baş verdiyi, eləcə də məsələ ilə bağlı hüquq-mühafizə orqanlarına rəsmi müraciət edilib-edilmədiyi barədə isə hər hansı məlumat paylaşılmayıb. Sosial şəbəkələrdə geniş müzakirələrə səbəb olan görüntülərlə bağlı rəsmi açıqlama verilməyib.

Telegramda izləyin