Polisdən qaçan şübhəli vətəndaşın müdaxiləsi ilə saxlanıldı - VİDEO

Türkiyənin Muğla vilayətinin Fethiye rayonunda polis əməkdaşlarının apardığı kimlik yoxlaması zamanı maraqlı hadisə baş verib.

Sonxeber.az türk mediasına istinadən xəbər verir ki, məlumata görə, yoxlama zamanı bir şəxsin polisə başqa birinə məxsus şəxsiyyət vəsiqəsi təqdim etdiyi iddia olunub. Şübhəli şəxs vəziyyətin üzə çıxacağını anlayaraq hadisə yerindən qaçmağa cəhd edib.

Lakin ərazidə olan bir vətəndaşın operativ müdaxiləsi nəticəsində şübhəli yerə yıxılaraq saxlanılıb və polis əməkdaşlarına təhvil verilib.

Araşdırmalar zamanı saxlanılan şəxsin müxtəlif cinayətlərə görə axtarışda olduğu müəyyən edilib. Həmçinin onun motosiklet oğurluğu və rəsmi sənəddə saxtakarlıq cinayətlərində də iştirak etdiyi aşkarlanıb.

Faktla bağlı araşdırma davam etdirilir.

Telegramda izləyin