Piyada vuruldu: Sürücü yaralıya yox, avtomobilinə baxdı - VİDEO

İstanbulda baş verən yol-nəqliyyat hadisəsi ictimaiyyətin ciddi narazılığına səbəb olub. Belə ki, səkidə hərəkət edən vətəndaş arxadan gələn lüks markalı avtomobilin vurması nəticəsində zədə alıb.

Sonxeber.az türk mediasına istinadən xəbər verir ki, hadisədən sonra sürücünün davranışı isə etirazla qarşılanıb. Təhlükəsizlik kameralarının qeydə aldığı görüntülərdə sürücünün yerdə yaralı vəziyyətdə qalan piyadaya kömək etmək əvəzinə avtomobildən düşərək nəqliyyat vasitəsində yaranan zədələri yoxladığı görünür. Kadrlarda onun avtomobilin ətrafında dövrə vuraraq zərərin miqyasını müəyyənləşdirməyə çalışdığı açıq şəkildə əks olunub.

Qəza nəticəsində xəsarət alan vətəndaş sürücünün laqeyd münasibətinə etiraz edərək hüquq-mühafizə orqanlarına müraciət edib. Şikayət əsasında hadisə ilə bağlı araşdırma və müvafiq hüquqi prosedurlar başladılıb.

Hadisənin görüntüləri sosial şəbəkələrdə geniş müzakirələrə səbəb olub. İstifadəçilər sürücünün yaralıya yardım göstərmək əvəzinə avtomobilin vəziyyəti ilə maraqlanmasını sərt tənqid ediblər.

Telegramda izləyin