Hindistanda qeyri-adi hadisə: Arvadından boşanıb keçmiş qayınanası ilə evləndi

Hindistanda maraqlı və müzakirələrə səbəb olan hadisə baş verib. Ölkənin Kanpur şəhərində yaşayan bir kişi keçmiş qayınanası ilə ailə qurmaq üçün həyat yoldaşından rəsmi şəkildə boşanıb.

Sonxeber.az xarici mediaya istinadən xəbər verir ki, məlumata görə, kişi ilə qayınanası arasında yaranan münasibət zamanla ciddiləşib. Nəticədə tərəflər birlikdə yaşamaq qərarına gəliblər. Bunun üçün əvvəlcə kişi həyat yoldaşı ilə boşanma prosesini tamamlayıb.

Boşanma rəsmiləşdirildikdən sonra həmin şəxs keçmiş qayınanası ilə məhkəmədə nikaha daxil olub. Qeyri-adi evlilik qısa müddətdə həm yerli sakinlər, həm də sosial media istifadəçiləri arasında geniş müzakirələrə səbəb olub.

Hadisə Hindistan ictimaiyyətində birmənalı qarşılanmayıb. Bəzi insanlar bunu şəxsi seçim kimi qiymətləndirsələr də, digərləri ailə dəyərləri baxımından qəbuledilməz hesab ediblər.

Qeyd edək ki, sözügedən hadisə ölkə mediasında geniş işıqlandırılıb və sosial şəbəkələrdə gündəmin əsas mövzularından birinə çevrilib.

Telegramda izləyin