İki dəfə evlənib boşandı: Ayrılıq səbəbini qumrularla əlaqələndirdi - VİDEO

Türkiyədə maraqlı açıqlaması ilə diqqət çəkən bir vətəndaş iki dəfə evlənib boşanmasının səbəbini evinin balkonunda yuva quran qumru quşları ilə əlaqələndirib.

Sonxeber.az türk mediasına istinadən xəbər evrir ki, onun sözlərinə görə, hər iki evliliyinin uğursuzluqla nəticələnməsindən əvvəl balkonunda qumrular yuva qurub. Kişi bu quşların uğursuzluq gətirdiyinə inandığını bildirərək insanlara da xəbərdarlıq edib.

"Əgər balkonunuza qumru gələrsə, dərhal uzaqlaşdırın. Bu quşlar yuva dağıdır, bunu öz təcrübəmdə yaşamışam", - deyə o bildirib.

Vətəndaş qeyri-adi iddialarını gördüyü yuxularla da əsaslandırmağa çalışıb. O, yuxusunda zəlzələ və ya it gördükdə sonradan polis məsələləri ilə üzləşdiyini, qar gördükdə isə ailəsində problemlər yarandığını və münasibətlərinin pozulduğunu iddia edib.

Mütəxəssislər isə bu cür inancların elmi əsası olmadığını, insanların həyatında baş verən hadisələrlə təsadüfi halları əlaqələndirməsinin batil inancların formalaşmasına səbəb olduğunu qeyd edirlər.

Sözügedən açıqlamalar sosial şəbəkələrdə geniş müzakirələrə səbəb olub. Bir çox istifadəçi kişinin fikirlərini maraqla qarşılasa da, digərləri bu iddiaları həqiqətdən uzaq və əsassız hesab ediblər.

Telegramda izləyin