İş yerinə silahlı hücum: Şübhəlilərin axtarışına başlanıldı - VİDEO

Türkiyənin İstanbul şəhərinin Beykoz rayonunda yerləşən iş mərkəzlərindən birində silahlı hücum hadisəsi baş verib.

Sonxeber.az türk mediasına istinadən xəbər verir ki, məlumata görə, motosikletlə hadisə yerinə gələn iki naməlum şəxs iş mərkəzinin birinci mərtəbəsində fəaliyyət göstərən iş yerinə atəş açıb. Hücumdan sonra şübhəlilər hadisə yerindən uzaqlaşıblar.

İlkin məlumata əsasən, insident nəticəsində ölən və ya yaralanan olmayıb. Hadisə yerinə polis əməkdaşları cəlb olunub və ərazidə təhlükəsizlik tədbirləri gücləndirilib.

Hücumun səbəbləri hələlik məlum deyil. Hüquq-mühafizə orqanları hadisəni törədən şəxslərin müəyyən edilərək saxlanılması istiqamətində əməliyyat-axtarış tədbirlərini davam etdirirlər.

Telegramda izləyin