Atasının 48 yaş kiçik sevgilisi haqqında ilk dəfə danışdı

Türkiyəli şoumen Mehmet Ali Erbilin özündən 48 yaş kiçik sosial media fenomeni Eylem Çelik ilə sevgili olduğu barədə iddialar gündəmdə qalmaqda davam edir. Məsələ ilə bağlı ilk dəfə danışan qızı Yasmin Erbil zarafatla "Bezdim artıq" deyərək diqqət çəkən açıqlamalar verib.

Sonxeber.az xarici mediaya istinadla xəbər verir ki, tədbirlərin birində jurnalistlərin suallarını cavablandıran Yasmin Erbil atasının şəxsi həyatı ilə bağlı xəbərlərin davamlı gündəmə gəlməsindən gileylənib. O, atasının yaşının irəliləməsinə baxmayaraq hələ də qadınların diqqətini cəlb etdiyini bildirib.

"Karizmatik və insanları özünə cəlb edən bir atam var", - deyə Yasmin Erbil qeyd edib.

Eylem Çelik haqqında da fikirlərini bölüşən Yasmin Erbil gənc fenomeni bəyəndiyini gizlətməyib. O, "Çox gözəldir, bəyəndim. Amma məncə çox gəncdir. Mən artıq 30 yaşa yaxınlaşıram. Bilmirəm, xeyirlisi olsun", - sözlərini işlədib.

Digər tərəfdən, Eylem Çelik haqqında yayılan eşq iddialarını qəti şəkildə təkzib edib. O, sosial şəbəkə hesabında yayımladığı açıqlamada bəzi media orqanlarında sevgili kimi təqdim olunmasının həqiqəti əks etdirmədiyini, bu xəbərlərin onun icazəsi və məlumatı olmadan yayımlandığını bildirib.

Çelik həmçinin şəxsi həyatına və hüquqlarına müdaxilə edildiyini vurğulayaraq ictimaiyyəti əsassız məlumatlara inanmamağa çağırıb.

Buna baxmayaraq, Mehmet Ali Erbil iddialarla bağlı hələlik heç bir açıqlama verməyib. Lakin onun Eylem Çelikin sosial şəbəkədə paylaşdığı fotoları bəyənməyə davam etməsi maqazin dairələrində müxtəlif şərhlərin yaranmasına səbəb olub.

Telegramda izləyin