Dəhşətli hadisə! Mədəsindən canlı böcək çıxarıldı

Türkiyənin Aydın vilayətində mədə ağrısı şikayəti ilə xəstəxanaya müraciət edən eşitmə və nitq məhdudiyyətli Sabri Kocaçobanın mədəsindən əməliyyatla həşərat çıxarılıb.

Sonxeber.az xarici mediaya istinadla xəbər verir ki, Efeler rayonunun Anbarcık kəndində yaşayan və yaylaqda çobanlıqla məşğul olan Kocaçoban bir müddətdir davam edən mədə ağrılarından əziyyət çəkib. Xəstəxanada aparılan müayinələr zamanı ağrının səbəbinin nadir rast gəlinən hadisə olduğu müəyyən edilib.

Həkimlər mədə turşusuna davam gətirən canlı həşəratın mədə divarına yapışaraq zədələdiyini aşkarlayıblar. Cərrah Çağrı Coşkunun həyata keçirdiyi əməliyyat nəticəsində həşərat uğurla çıxarılıb və xəstə sağlığına qovuşub.

Sabri Kocaçobanın qardaşı Nihat Kocaçoban bildirib ki, əvvəlcə vəziyyətin ciddi olduğunu düşünməyiblər. Lakin ağrılar şiddətləndikdən sonra xəstəxanaya müraciət ediblər və diaqnoz onları təəccübləndirib.

Mütəxəssislər xüsusilə yay aylarında açıq havada və təbii mühitdə yatan şəxslərə diqqətli olmağı tövsiyə ediblər.

Telegramda izləyin