İtkin düşən qadın 3 gün sonra evinin yaxınlığında ölü tapıldı

Türkiyənin Adana şəhərinin Yüreğir rayonunda itkin düşən qadının meyiti evinin yaxınlığında aşkarlanıb.

Sonxeber.az türk mediasına istinadən xəbər verir ki, 54 yaşlı Ebru Küçükgöde bazar günü yaşadığı evdən çıxaraq naməlum istiqamətə gedib və bir daha geri qayıtmayıb. Yaxınlarının müraciətindən sonra onun tapılması üçün axtarışlara başlanılıb.

Axtarış tədbirləri nəticəsində qadın itkin düşməsindən üç gün sonra yaşadığı əraziyə yaxın yerdə ölü vəziyyətdə tapılıb. İlkin ehtimallara görə, ölümün səbəbi ürəktutması ola bilər.

Hadisə yerinə cəlb olunan hüquq-mühafizə orqanlarının əməkdaşları və tibbi ekspertlər araşdırmalara başlayıblar. Qadının ölüm səbəbinin dəqiq müəyyənləşdirilməsi üçün meyit ekspertiza müayinəsinə göndərilib.

Acı xəbəri alan anası Gülseren Hoşceylan göz yaşlarını saxlaya bilməyib. Faktla bağlı araşdırma davam etdirilir.

Telegramda izləyin