Qatar vuran inəyin sahibi qışqırıb kömək istədi - VİDEO

Türkiyənin Elazığ şəhərində yük qatarının vurduğu inək relslərlə qatar arasında sıxışaraq ölüm təhlükəsi ilə üz-üzə qalıb.

Sonxeber.az xarici mediaya istinadla xəbər verir ki, hadisə Kızılay məhəlləsindən keçən dəmir yolu xəttində baş verib.

Məlumata görə, otlaqda olan inək nəzarətdən çıxaraq relslərin üzərinə keçib. Bu zaman hərəkətdə olan yük qatarı heyvanı vurub və inək qatarla relslər arasında sıxılı vəziyyətdə qalıb.

Heyvan sahibinin kömək çağırışını eşidən ətraf sakinləri dərhal hadisə yerinə gəlib. Vətəndaşlar heyvanın tələf olmaması üçün vaxt itirmədən müdaxilə edərək onu kəsiblər.

Hadisənin gərgin anları ərazidə olan şəxslərdən biri tərəfindən mobil telefonla lentə alınıb.

Telegramda izləyin