Binanın kənarında asılı qalan qız son anda xilas edildi - möcüzəvi anlar kameraya düşdü - VİDEO

İngiltərənin paytaxtı Londonda binanın pəncərə çıxıntısında təhlükəli vəziyyətdə qalan azyaşlı qız son anda xilas edilib.

Sonxeber.az xarici mediaya istinadla xəbər verir ki, hadisə Şərqi Londonun Ilford High Road küçəsində baş verib. Azyaşlı qız binanın pəncərəsinin altındakı çıxıntıya çıxaraq bir müddət havada asılı vəziyyətdə qalıb. Ətrafdakı insanlar təşviş içində hadisəni izləyərkən polisə məlumat verilib.

Hadisə yerinə çatan polis əməkdaşı və bir vətəndaş qızın düşə biləcəyi nöqtədə mövqe tutublar. Bir müddət sonra gücdən düşən uşaq əllərini buraxaraq aşağı yıxılıb. Lakin polis və vətəndaş onu havada tutaraq faciənin qarşısını alıblar.

London Polisi bildirib ki, hadisə ilə bağlı məlumat daxil olduqdan cəmi 9 dəqiqə sonra həyata keçirilən uğurlu müdaxilə nəticəsində azyaşlı heç bir xəsarət almadan xilas edilib. Hadisənin görüntüləri ətrafdakı şəxslər tərəfindən lentə alınıb.

Telegramda izləyin