Polisdən qaçan sərxoş sürücüyə ağır cəza: "Yandıq" - VİDEO

Türkiyənin Bursa şəhərində polisin "Dayan" əmrinə tabe olmayaraq qaçan sərxoş sürücü təxminən 5 kilometr davam edən təqibdən sonra saxlanılıb.

Sonxeber.az türk mediasına istinadən xəbər verir ki, yoxlama zamanı sürücünün qanında 0,88 promil alkoqol olduğu müəyyən edilib. Yol hərəkəti qaydalarını pozduğuna və polisə tabe olmadığına görə ona ümumilikdə 232 min lirə məbləğində cərimə tətbiq olunub.

Bundan əlavə, sürücünün avtomobili 2 ay müddətinə istismardan kənarlaşdırılıb və hərəkətdən məhrum edilib.

Cərimənin məbləğini öyrənən sürücü təəccübünü gizlədə bilməyərək "Yandıq" ifadəsini işlədib. Hadisə yerində qeydə alınan həmin anlar sosial şəbəkələrdə də geniş müzakirələrə səbəb olub.

Telegramda izləyin