Rabitə problemi təhlükəli vəziyyət yaratdı: Telefonla danışmaq üçün dirəklərə çıxırlar - VİDEO

Türkiyənin Malatya vilayətində mobil şəbəkənin zəif olması sakinlərin çətin vəziyyətlə üzləşməsinə səbəb olub.

Sonxeber.az türk mediasına istinadən xəbər verir ki, zəlzələdən sonra bölgədə mobil rabitə şəbəkəsinin kifayət qədər güclü olmaması səbəbilə yerli əhali telefonla danışa bilmək üçün elektrik dirəklərinə çıxmağa məcbur qalır.

Sakinlər 300 metr məsafədə yerləşən baza stansiyasının tələbatı ödəmədiyini bildirərək rabitə probleminin davam etdiyini qeyd edirlər.

Onlar təhlükəli vəziyyətə baxmayaraq ünsiyyət qura bilmək üçün bu üsula əl atdıqlarını, lakin can təhlükələrinin ciddi risk altında olduğunu vurğulayırlar.

Əhali aidiyyəti qurumlardan baza stansiyasının gücləndirilməsini və bölgədə rabitə infrastrukturunun yaxşılaşdırılmasını tələb edir.

Telegramda izləyin