Maşında tək qalan 15 yaşlı uşaq ölüm təhlükəsi ilə üzləşib - VİDEO

Türkiyənin Antalya vilayətinin Manavqat rayonunda park edilmiş avtomobildə qalan 15 yaşlı yeniyetmə ağır vəziyyətdə xəstəxanaya yerləşdirilib.

Sonxeber.az xarici mediaya istinadla xəbər verir ki, hadisə D-400 avtomobil yolunun kənarında yerləşən Dəmirçilər məhəlləsində baş verib.

Məlumata görə, E.Y. adlı yeniyetmə valideynləri evdə olmadığı vaxt yaşayış evinin qarşısında park edilmiş avtomobilə minib. Naməlum səbəbdən avtomobildə qalan uşaq yüksək temperatur və havasızlıq səbəbindən özünü pis hiss edib.

Tarladan qayıdan ata oğlunu avtomobilin arxa oturacağında huşsuz vəziyyətdə aşkarlayıb. Bildirilir ki, yeniyetmə istidən bunaldığı üçün üzərindəki geyimləri çıxarıb.

Hadisə yerinə çağırılan təcili tibbi yardım əməkdaşları ilkin müdaxilədən sonra E.Y.-ni Manavqat Dövlət Xəstəxanasına çatdırıblar. Vəziyyətinin ağır olması səbəbindən o, daha sonra Antalya Təhsil və Araşdırma Xəstəxanasına köçürülərək reanimasiya şöbəsinə yerləşdirilib.

Faktla bağlı araşdırma aparılır.

Telegramda izləyin