Uşaq bağçasında azyaşlılara zorakılıq iddiası: Tərbiyəçi saxlanıldı - VİDEO

İstanbulun Bayrampaşa rayonunda fəaliyyət göstərən özəl uşaq bağçasında azyaşlılara qarşı zorakılıq göstərildiyi iddiası ilə bağlı araşdırma başlanılıb.

Sonxeber.az xarici mediaya istinadla xəbər verir ki, valideynlərin şikayətindən sonra aparılan yoxlamalar zamanı təhlükəsizlik kameralarının görüntüləri incələnib. İddialara görə, bağçada çalışan A.B. adlı qadın uşaqları gündüz yuxusuna yatırmağa çalışarkən əlindəki çubuqla onlara vurub.

Bildirilib ki, hadisələr iyunun 16, 17 və 19-da baş verib. Tərbiyəçinin yalnız istirahət saatlarında deyil, yeməkxanada da uşaqlara qarşı kobud davrandığı və fiziki müdaxilə etdiyi iddia olunur.

Təhlükəsizlik kameralarındakı görüntülərin araşdırılmasından sonra şübhəli polis əməkdaşları tərəfindən saxlanılıb və barəsində hüquqi prosedur başladılıb.

Faktla bağlı istintaq davam edir.

Telegramda izləyin