Kirayəçisinin ölmüş atasının məzarına gedib şikayət etdi - VİDEO

Türkiyənin Samsun şəhərində kirayəçisindən xəbər ala bilməyən ev sahibi maraqlı addımı ilə diqqət çəkib.

Sonxeber.az xarici mediaya istinadla xəbər verir ki, təqaüdçü Süleyman Demircan kirayə verdiyi mənzillə bağlı yaşadığı problemi kirayəçisinin vəfat etmiş atasının məzarı başında dilə gətirib.

Onun sözlərinə görə, fevral ayında mənzilini H.D. adlı şəxsə kirayəyə verib. Kirayəçinin anası ilə birlikdə evdə yaşayacağını bildirdiyi, lakin dəfələrlə xatırladılmasına baxmayaraq rəsmi müqavilə bağlamadığı iddia edilir. Daha sonra tərəflər arasında narazılıq yaranıb və H.D.-nin İstanbula gedərək telefon zənglərinə cavab vermədiyi bildirilib.

Ev sahibi kirayə, kommunal və istilik xərcləri üzrə ümumilikdə 76 min lirəyə yaxın zərərinin yarandığını deyərək məhkəməyə müraciət edib və evin boşaldılması ilə bağlı iddia qaldırıb.

Kirayəçisi ilə əlaqə saxlaya bilmədiyini deyən Demircan daha sonra onun mərhum atasının məzarını ziyarət edib. Məzar ətrafını təmizləyərək dua etdiyini bildirən ev sahibi, yaşadığı mağduriyyəti mərhuma danışdığını və oğlunu onun haqqını pozmaqda mənəvi olaraq şikayət etdiyini söyləyib.

Demircan dövlətə və ədalət sisteminə güvəndiyini, alacaqlarının qanuni yolla geri qaytarılacağına inandığını da əlavə edib.

Telegramda izləyin