Braziliyada dəhşətli faciə: hava şarı alovlandı, 8 nəfər həlak oldu - VİDEO

Braziliyada içərisində 21 nəfərin olduğu isti hava şarında baş verən yanğın faciə ilə nəticələnib. Hadisə nəticəsində 8 nəfər həyatını itirib, 13 nəfər isə sağ qalıb.

Sonxeber.az xarici mediaya istinadən xəbər verir ki, məlumata görə, isti hava şarı havaya qalxdıqdan cəmi iki dəqiqə sonra alovlanmağa başlayıb. Qəza zamanı sərnişinlər arasında böyük təşviş yaşanıb. Sağ qalanlar arasında alovlanan şardan özünü ataraq xilas olan bir sərnişinin də olduğu bildirilib.

Hadisə yerinə dərhal xilasedici və təcili tibbi yardım briqadaları cəlb olunub. Yaralanan şəxslərə ilkin tibbi yardım göstərilib.

Faktla bağlı araşdırmalara başlanılıb. Hadisənin başvermə səbəblərinin müəyyənləşdirilməsi istiqamətində istintaq tədbirləri davam etdirilir.

Telegramda izləyin