Qadının canlı yayımda əri ilə barışıq üçün irəli sürdüyü şərtlər gündəm oldu - VİDEO

Türkiyədə yayımlanan "Esra Erolda" verilişində qonaq olan Damla və Serkan Barış cütlüyünün canlı efirdəki barışıq səhnəsi geniş müzakirələrə səbəb olub.

Sonxeber.az xarici mediaya istinadla xəbər verir ki, Kayseri avtovağzalında tanış olduqdan cəmi 3 gün sonra evlənən cütlük proqramda qarşılıqlı ittihamlarla çıxış edib. Damla Barış həyat yoldaşının ailəsi tərəfindən təzyiqlərə məruz qaldığını, hətta bu səbəbdən hamiləliyini itirdiyini iddia edib. Serkan Barış isə həm anasının həyat yoldaşına qarşı zorakılıq etdiyini, həm də özünün səhvlərinin olduğunu etiraf edib.

Canlı yayım zamanı Serkanın çiçəklə həyat yoldaşından üzr istəməsindən sonra Damla evliliyi davam etdirmək üçün bir sıra şərtlər irəli sürüb. O, adına ev və avtomobil alınmasını, qızıl hədiyyələr verilməsini, eləcə də qayınanası ilə əlaqələrin tam kəsilməsini tələb edib.

Damlanın daha sonra lüks oteldə məclis, bir neçə gəlinlik və digər bahalı istəklərini səsləndirməsi studiyada təəccüb yaradıb. Serkan Barış isə diz çökərək bütün şərtləri qəbul etdiyini bildirib.

Verilişdə yaşananlar qısa zamanda sosial şəbəkələrdə gündəmə çevrilərək geniş müzakirələrə səbəb olub.

Telegramda izləyin