Dövlət xəstəxanasında qalmaqal: Mühafizəçi iş vaxtı qadınla görün nə etdi - VİDEO

Türkiyənin Eskişehir vilayətində yerləşən Sivrihisar Dövlət Xəstəxanası növbəti qalmaqalla gündəmə gəlib. Bu dəfə xəstəxananın mühafizə əməkdaşının iş saatları ərzində qadının qucağında əyləşərək onu öpdüyü anlar mobil telefon kamerasına düşüb.

Sonxeber.az xarici mediaya istinadla xəbər verir ki, sosial şəbəkələrdə yayılan görüntülərdə mühafizəçinin xəstəxananın gözləmə zalında bir qadının qucağında oturaraq səmimi davranışlar sərgilədiyi görünür. Hadisənin xəstələrin gözü qarşısında baş verməsi isə ictimai narazılığa səbəb olub.

Qeyd edək ki, Sivrihisar Dövlət Xəstəxanasının adı son günlər başqa bir insidentlə də hallanıb. Belə ki, xəstəxananın İnzibati və Maliyyə İşləri Müdiri Tarık Yücetürkün əməkdaşlardan birini döydüyünü əks etdirən təhlükəsizlik kamerası görüntüləri də yayılmışdı.

Baş verən hər iki hadisədən sonra Eskişehir Vilayət Səhiyyə İdarəsi məsələ ilə bağlı inzibati araşdırmaya başlayıb. Qurumun açıqlamasında bildirilib ki, həm dava, həm də xəstəxana mühitinə uyğun olmayan davranışlarla bağlı görüntülər araşdırılır və proses nəzarətdə saxlanılır.

Telegramda izləyin