Mənzildən gələn pis qoxu dəhşətli həqiqəti üzə çıxardı

Türkiyənin Aydın vilayətinin Köşk rayonunda yaşayış binasından yayılan pis qoxu sakinləri narahat edib. Hadisə yerinə çağırılan xilasedicilər və polis əməkdaşları mənzilə daxil olarkən 63 yaşlı kişinin meyitini aşkar ediblər.

Sonxeber.az xarici mediaya istinadla xəbər verir ki, hadisə Köşk rayonunun Çarşı məhəlləsində yerləşən yaşayış binasında baş verib. Binadan gələn kəskin qoxunu hiss edən sakinlər bu barədə 112 Təcili Çağırış Mərkəzinə məlumat veriblər.

Hadisə yerinə gələn polis, yanğınsöndürən və təcili tibbi yardım briqadaları qoxunun binanın 3-cü mərtəbəsində yerləşən mənzildən gəldiyini müəyyən ediblər. Yanğınsöndürənlər balkon vasitəsilə mənzilə daxil olarkən evdə hərəkətsiz vəziyyətdə uzanan şəxslə qarşılaşıblar.

Araşdırma zamanı həyatını itirən şəxsin mənzildə tək yaşayan 63 yaşlı Sebahattin Göz olduğu müəyyən edilib. İlkin ehtimallara görə, onun təxminən bir həftə əvvəl vəfat etdiyi bildirilir.

Meyit ölüm səbəbinin dəqiq müəyyənləşdirilməsi üçün məhkəmə-tibbi ekspertizaya göndərilib.

Faktla bağlı araşdırma aparılır.

Telegramda izləyin