Şamda qadın turist küçədə gəzərkən bir qrup kişinin təcavüzünə məruz qalıb - VİDEO

Suriyanın paytaxtı Şamda xarici qadın turist küçədə gəzərkən bir qrup kişinin təcavüzkar davranışı ilə üzləşib.

Sonxeber.az xarici mediaya istinadla xəbər verir ki, hadisə zamanı qadının ətrafını mühasirəyə alan şəxslər ona sözlü və fiziki təzyiq göstəriblər.

Baş verənlər qarşısında böyük qorxu yaşayan turist izdihamın arasından çətinliklə xilas ola bilib. Hadisənin görüntüləri sosial şəbəkələrdə yayıldıqdan sonra ictimaiyyət arasında ciddi narazılıq yaranıb.

Bunun ardından Suriya Daxili İşlər Nazirliyi hadisə ilə bağlı açıqlama yayıb. Bildirilib ki, hüquq-mühafizə orqanlarının keçirdiyi əməliyyat-axtarış tədbirləri nəticəsində qadını narahat edən şəxslər müəyyən edilərək saxlanılıblar.

Nazirlikdən verilən məlumata görə, faktla bağlı cinayət işi üzrə istintaq davam etdirilir.

Telegramda izləyin