Kəskin istilər olsa da, Avropada kondisioner niyə azdır?

Avropada şiddətli isti hava dalğaları davam etməsinə baxmayaraq, qitə üzrə evlərin yalnız 20 faizində kondisioner var.

Milli.Az xəbər verir ki, ABŞ-də evlərin təxminən 90 faizində kondisioner olduğu halda, Avropada bu rəqəmin aşağı olmasının səbəbləri aşağıdakılardır:

Tarixi ehtiyacın olmaması: Avropanın bir çox ölkəsi, xüsusən də şimal ölkələri tarixən soyutma sistemlərinə çox az ehtiyac duyub. Beynəlxalq Enerji Agentliyinin rəsmisi Brian Motherway qeyd edir ki, yaxın zamana qədər ehtiyac olmadığı üçün Avropada kondisioner ənənəsi olmayıb və bu, bir lüks hesab edilib.

Memarlıq xüsusiyyətləri: Cənubi Avropa ölkələrində evlər qalın divarlar və kiçik pəncərələrlə inşa edilib ki, bu da günəşin içəri girməsinin qarşısını alır və havanın dövranını maksimuma çatdırır. İnsanların yayda sərin qalmaq üçün evlərini buna uyğun dizayn etmə vərdişi olmayıb.

Binaların köhnə olması: Avropadakı binaların əksəriyyəti çox köhnədir və kondisioner texnologiyası geniş yayılmazdan əvvəl inşa edilib. İngiltərə kimi ölkələrdə isə xüsusilə tarixi binaların görünüşünü pozduğu üçün kondisioner quraşdırılmasına icazə verilməməsi kimi məhdudiyyətlər var.

İqlim hədəfləri və enerji siyasəti: Avropa 2050-ci ilə qədər "iqlim neytrallığına" çatmağı hədəfləyir, kondisionerlərdən geniş istifadə isə bu öhdəlikləri çətinləşdirir. Kondisionerlər çox enerji sərf edir və istiliyi çölə vuraraq ətraf mühiti daha da qızdırır. Bəzi ölkələr, məsələn, İspaniya, enerji qənaəti üçün ictimai yerlərdə kondisioner temperaturuna dair məhdudiyyətlər tətbiq edir.

Bütün bunlara baxmayaraq, Avropanın dünyanın digər hissələrinə nisbətən iki dəfə daha sürətlə istiləşməsi və "iqlim qaynar nöqtəsi"nə çevrilməsi səbəbindən insanların kondisionerlərə qarşı yanaşması dəyişməyə başlayıb.

Telegramda izləyin