Bu düyməyə basın - Əlavə qurutma maşını almayın

Bir çox insan paltaryuyan maşında yalnız əsas yuma proqramlarından istifadə edir və əlavə funksiyalara diqqət yetirmir. Halbuki bəzi rejimlər paltarların daha tez qurumasına kömək edir və gündəlik işi xeyli asanlaşdırır.

Lent.az xarici mediaya istinadən xəbər verir ki, mütəxəssislərin sözlərinə görə, paltarları daha quru vəziyyətdə əldə etmək üçün ayrıca qurutma maşını almağa ehtiyac yoxdur.

Bunun üçün paltaryuyan maşındakı əlavə sıxma funksiyasından istifadə etmək kifayətdir.

Hansı funksiya paltarların daha tez qurumasını təmin edir?

Söhbət əlavə sıxma (Spin) və ya maksimum dövriyyə ilə sıxma rejimindən gedir. Əksər müasir paltaryuyan maşınlarda bu funksiya spiral işarəsi və ya "spin" düyməsi ilə göstərilir.

Mütəxəssislər tövsiyə edirlər ki, əsas yuma proqramı başa çatdıqdan sonra paltarları dərhal çıxarmaq əvəzinə, maksimum dövriyyədə qısa əlavə sıxma rejimi işə salınsın.

Maşının modelindən asılı olaraq bu göstərici 1200, 1400 və ya 1600 dövr/dəqiqə ola bilər. Bu zaman parçanın tərkibində qalan suyun böyük hissəsi xaric edilir və paltarlar xeyli quru vəziyyətdə çıxır.

Bu üsul niyə effektivdir?

Adi sıxmadan sonra belə, xüsusilə dəsmal, yataq dəsti, cins şalvar və qalın parçalarda xeyli miqdarda nəmlik qalır.

Əlavə sıxma rejimi liflərdə qalan suyu da çıxardığı üçün paltarların çəkisi azalır və onların quruma müddəti bir neçə saat qısalır. Yay aylarında bu üsuldan sonra paltarlar açıq havada və ya eyvanda bir saatdan da az müddətdə quruya bilər.

Peşəkar camaşırxanaların istifadə etdiyi üsul

Peşəkar camaşırxanalarda əlavə sıxma rejimindən əvvəl barabana böyük və quru махra dəsmal qoyulur.

Sıxma zamanı dəsmal digər paltarlardakı artıq nəmin bir hissəsini özünə çəkir. Bu üsul xüsusilə az sayda paltar yuyulduqda daha yaxşı nəticə verir və paltarların daha quru çıxmasına kömək edir.

Bu üsul hansı geyimlər üçün uyğundur?

Əlavə sıxma rejimi əsasən yataq dəstləri, dəsmallar, futbolkalar, idman geyimləri, cins şalvarlar, pambıq köynəklər və uşaq geyimləri üçün uyğundur.

Lakin ipək, yun və bəzi zərif sintetik parçaları maksimum dövriyyədə sıxmaq tövsiyə edilmir. Bu, parçanın liflərinə zərər verə və formasını poza bilər.

Paltarların daha tez quruması üçün başqa nə etmək olar?

Mütəxəssislər barabanı normadan artıq doldurmamağı, paltarları sıxmadan dərhal sonra asmağı, geyimlər arasında kifayət qədər məsafə saxlamağı və otaqda yaxşı havalandırma təmin etməyi məsləhət görürlər. Həmçinin hər parça növü üçün icazə verilən ən yüksək sıxma sürətindən istifadə etmək quruma müddətini xeyli azaldır. Bu sadə qaydalar hətta sərin və yağışlı havalarda belə paltarların daha tez qurumasına kömək edir.

Telegramda izləyin