Alkoqol yoxlamasından təmiz çıxan sürücünün sevinci gündəm oldu - VİDEO

Türkiyənin Bursa vilayətinin Mudanya rayonunda yol polisi tərəfindən keçirilən alkoqol yoxlaması zamanı maraqlı anlar yaşanıb. Alkotester yoxlamasından sonra nəticəsinin mənfi olduğunu öyrənən sürücü sevincini gizlədə bilməyib.

Sonxeber.az xarici mediaya istinadla xəbər verir ki, yol polisi nəzarət tədbirləri çərçivəsində bir avtomobili saxlayaraq sürücünü alkoqol testindən keçirib. Sürücü alkotesterə həyəcanla nəfəs verdikdən sonra nəticəni gözləyib.

Yoxlamanın nəticəsində sürücünün alkoqollu olmadığı müəyyən edilib. Bu xəbərdən sonra o, böyük sevinc yaşayaraq kameralara əl yelləyib və sevincini ətrafdakılarla bölüşüb.

Sürücünün səmimi reaksiyası hadisə yerində olan polis əməkdaşları və digər şəxslərin də gülümsəməsinə səbəb olub. Həmin anlar kameralar tərəfindən qeydə alınaraq sosial şəbəkələrdə maraqla qarşılanıb.

Telegramda izləyin