Yanacaqdoldurma məntəqəsinin əməkdaşı qadın sürücünü təhqir etdi - VİDEO

İstanbulun Sancaktepe rayonunda yerləşən yanacaqdoldurma məntəqəsində baş verdiyi bildirilən hadisə sosial şəbəkələrdə geniş müzakirələrə səbəb olub. Motosikletinə 200 lirəlik benzin vurmaq istəyən qadın sürücünün yanacaqdoldurma məntəqəsinin əməkdaşı tərəfindən təhqir olunduğu iddia edilir.

Sonxeber.az xarici mediaya istinadla xəbər verir ki, qadın sürücü əməkdaşa nəzakətli şəkildə motosikletinə 200 lirə dəyərində yanacaq doldurulmasını xahiş edir. Əməkdaş əvvəlcə yanacaq çəninin qapağını açmağa kömək edir və adi qaydada xidmət göstərməyə başlayır.

Lakin görüntülərdə daha sonra əməkdaşın yanacağın məbləğini kiçildərək qadının ünvanına nalayiq ifadələr işlətdiyi eşidilir. Hadisənin motosiklet sürücüsünün dəbilqəsinə quraşdırılmış kamera tərəfindən qeydə alındığı bildirilir.

Videonun sosial şəbəkələrdə yayılmasının ardından çoxsaylı istifadəçi hadisəyə etiraz edərək, yanacaqdoldurma məntəqəsinin fəaliyyət göstərdiyi şirkəti məsələyə münasibət bildirməyə və əməkdaş barəsində tədbir görməyə çağırıb.

Hadisə ilə bağlı yanacaqdoldurma məntəqəsi və ya aidiyyəti qurumlar tərəfindən hələlik rəsmi açıqlama verilməyib.

Telegramda izləyin