830 kiloqramlıq buğanı at kimi sürmək istədi, nəticəsi gündəm oldu - VİDEO

Fermerliklə məşğul olan və sosial şəbəkələr üçün məzmun hazırlayan bir şəxs təsərrüfatındakı 830 kiloqram ağırlığında olan nəhəng buğanı at kimi sürməyə cəhd edib. Təhlükəli sınaq gözlənildiyi kimi uğursuzluqla nəticələnib.

Sonxeber.az xarici mediaya istinadla xəbər verir ki, kameralar qarşısında buğanın belinə minən məzmun istehsalçısı onu idarə etməyə çalışsa da, vəziyyətdən narazı qalan heyvan cəmi bir neçə saniyə ərzində hərəkətə keçərək güclü zərbə ilə kişini belindən yerə atıb.

Sərt yıxılan fermer buğanın at olmadığını acı təcrübə ilə öyrənib. Hadisə anı saniyə-saniyə kameraya düşüb və görüntülər sosial şəbəkələrdə qısa müddətdə geniş yayılıb.

Paylaşılan videoya istifadəçilər çoxsaylı şərhlər yazıblar. Onlar "Ucuz qurtuldu", "Buğa ilə zarafat olmaz" kimi fikirlərlə bu cür təhlükəli hərəkətlərin ciddi risk yaratdığına diqqət çəkiblər.

Telegramda izləyin