Sevgilisini döyə-döyə öldürdü

Türkiyənin Muğla vilayətinin Menteşe rayonunda sevgilisi tərəfindən ağır döyülən 38 yaşlı Sevil İşıktekin müalicə aldığı xəstəxanada həyatını itirib.

Sonxeber.az xarici mediaya istinadla xəbər verir ki, hadisə Orhaniye məhəlləsində baş verib. 44 yaşlı Niyazi B. ilə Sevil İşıktekin arasında hələlik məlum olmayan səbəbdən mübahisə yaranıb. Mübahisə zamanı kişi qadını amansızcasına döyüb.

Hadisə şahidlərinin məlumat verməsindən sonra əraziyə polis və təcili tibbi yardım briqadaları cəlb olunub. Ağır xəsarət alan qadın Muğla Təhsil və Araşdırma Xəstəxanasına çatdırılıb və reanimasiya şöbəsinə yerləşdirilib. Həkimlərin səylərinə baxmayaraq, o, bu gün günorta saatlarında vəfat edib.

Hadisədən sonra saxlanılan Niyazi B. barəsində hüquqi araşdırma aparılır.

Telegramda izləyin