Toyda bəy və gəlinə 6 milyonluq hədiyyə təqdim olundu - VİDEO

Türkiyənin Şırnak vilayətinin Beytüşşebap rayonunda Sipan Öter və Rojin Ercanın iki gün, iki gecə davam edən toy mərasimi böyük izdihamla keçirilib.

Sonxeber.az xarici mediaya istinadla xəbər verir ki, minlərlə qonağın qatıldığı toyda 35 qoyun kəsilib, gecə saatlarınadək milli rəqslər ifa olunub.

Mərasimdə gəlinə təxminən 3 milyon lirə dəyərində qızıl, bəyə isə 3 milyon lirə nağd pul hədiyyə edilib. Beləliklə, cütlüyə təqdim olunan hədiyyələrin ümumi dəyəri 6 milyon lirəyə çatıb.

Bəyin yaxınları bildiriblər ki, toya Türkiyənin müxtəlif bölgələrindən və xaricdən minlərlə qonaq qatılıb. Gəlin Rojin Ercan isə təşkilatçılıqdan məmnun qaldığını bildirərək, onun üçün ən vacib məqamın maddi hədiyyələr deyil, xoşbəxtlik və bu sevinci yaxınları ilə bölüşmək olduğunu deyib.

Telegramda izləyin