Ata və qızı 12 saat fərqlə vəfat etdi

Türkiyənin Mersin vilayətinin Tarsus rayonunda eyni xəstəxanada müalicə alan ata və qızı 12 saat fərqlə vəfat ediblər.

Sonxeber.az xarici mediaya istinadla xəbər verir ki, 50 yaşlı Suna Karaman artıq çəki ilə bağlı yaranan sağlamlıq problemləri səbəbindən, 77 yaşlı atası Mehmet Karaman isə yaşa bağlı xəstəliklərə görə xəstəxanada müalicə alırdı. Ata və qız eyni xəstəxanada həyat uğrunda mübarizə aparsalar da, hər ikisi qısa zaman fərqi ilə dünyasını dəyişib.

Onların 12 saat arayla vəfat etməsi ailə üzvləri və yaxınlarını dərin kədərə qərq edib.

Suna Karaman və atası Mehmet Karaman Tarsus rayonundakı Sucular qəbiristanlığında keçirilən dəfn mərasimindən sonra yanaşı torpağa tapşırılıblar.

Eyni ailədən ata və qızın qısa zaman ərzində həyatını itirməsi rayon sakinləri arasında da böyük üzüntü ilə qarşılanıb.

Ailə yaxınları başsağlığı qəbul edib, mərhumların doğmaları və tanışları isə Karaman ailəsinə dərin hüznlə başsağlığı veriblər.

Telegramda izləyin