"Güclü media yalnız xəbərin daşıyıcısı deyil..." - Tural İsmayılov

"22 İyul - Milli Mətbuat Günü Azərbaycan milli mətbuatının zəngin ənənələrinin, peşəkar jurnalistikanın və cəmiyyət qarşısında daşıdığı böyük məsuliyyətin təcəssümüdür. 1875-ci il iyulun 22-də Həsən bəy Zərdabinin nəşr etdirdiyi "Əkinçi" qəzeti ilə əsası qoyulan milli mətbuatımız bu gün də dövlətçilik dəyərlərinin, milli maraqların və ictimai həmrəyliyin möhkəmləndirilməsində mühüm missiya yerinə yetirir".

Bu sözləri Sonxeber.az-a politoloq Tural İsmayılov danışıb.

O, açıqlamasınnda qeyd edib, müasir informasiya mühitində medianın üzərinə düşən vəzifələr daha da artıb:

"Dezinformasiyanın, informasiya manipulyasiyalarının və hibrid təhdidlərin geniş vüsət aldığı bir dövrdə peşəkarlıq, operativlik, obyektivlik və milli məsuliyyət jurnalistikanın əsas meyarları olaraq qalır. Güclü media yalnız xəbərin daşıyıcısı deyil, eyni zamanda cəmiyyətin maariflənməsinə, ictimai rəyin sağlam əsaslar üzərində formalaşmasına və dövlətin informasiya təhlükəsizliyinin təmin olunmasına töhfə verən strateji institutdur.

Son illərdə Azərbaycanda media sahəsində həyata keçirilən islahatlar, hüquqi bazanın təkmilləşdirilməsi və jurnalistlərin fəaliyyətinin dəstəklənməsi milli medianın institusional inkişafı üçün yeni imkanlar yaradıb. Bu proses peşə standartlarının yüksəldilməsinə, məsuliyyətli jurnalistikanın təşviqinə və informasiya məkanının daha dayanıqlı şəkildə formalaşdırılmasına xidmət edir.

Milli Mətbuat Günü münasibətilə bütün media nümayəndələrini, jurnalistləri, redaktorları, foto və videomüxbirləri, eləcə də informasiya sahəsində çalışan hər kəsi ürəkdən təbrik edir, onlara möhkəm cansağlığı, peşə fəaliyyətlərində uğurlar, obyektiv və prinsipial mövqe arzulayıram. Azərbaycan mediasının milli maraqların qorunması, həqiqətlərin dünyaya çatdırılması və peşəkar jurnalistika ənənələrinin inkişafı istiqamətində bundan sonra da əhəmiyyətli nailiyyətlər qazanacağına inanıram".

Vüsalə İbrahimli

Telegramda izləyin