Küçədə huşunu itirən gəncin cibindən pul oğurladı - VİDEO

Türkiyənin Muğla vilayətinin Fəthiyə rayonunda küçədə huşunu itirərək yerə yıxılan gəncin cibindən pul oğurlamaqda şübhəli bilinən 56 yaşlı R.Y. saxlanılaraq həbs edilib.

Sonxeber.az xarici mediaya istinadla xəbər verir ki, hadisə Cümhuriyyət məhəlləsində baş verib. İddiaya görə, yolda gedərkən qəfil halı pisləşən gənc yerə yıxılıb. Bu zaman hadisə yerindən keçən şəxs yardım çağırmaq əvəzinə gəncin cibini yoxlayaraq təxminən 6 min lirəni götürüb.

Hadisə təhlükəsizlik kameraları tərəfindən qeydə alınıb. Görüntülərin sosial şəbəkələrdə yayılması ictimaiyyətin ciddi narazılığına səbəb olub.

Fəthiyə Rayon Polis İdarəsinin əməkdaşları təhlükəsizlik kameralarını araşdıraraq şübhəlinin şəxsiyyətini müəyyən ediblər. R.Y. Seydikəmər rayonunda keçirilən əməliyyat zamanı saxlanılıb və məhkəmənin qərarı ilə barəsində həbs qətimkan tədbiri seçilib.

Telegramda izləyin