Çimərlikdə silahını çıxarıb atəş açmağa cəhd etdi

Braziliyada çimərlikdə baş verən silahlı insident ölkədə böyük rezonans doğurub. Mübahisə etdiyi kaytsörfinq idmançısına silah doğruldan şəxs ətrafdakı insanların qışqırıqlarına baxmayaraq tətiyi çəkib.

Sonxeber.az türk mediasına istinadən xəbər verir ki, hadisə zamanı silahın nasazlıq səbəbindən atəş açmaması mümkün faciənin qarşısını alıb. Beləliklə, ehtimal olunan qətl son anda baş verməyib.

İnsidentdən sonra hadisə yerindən qaçan şübhəlinin saxlanılması istiqamətində polis tərəfindən axtarış tədbirləri davam etdirilir.

Hadisənin görüntüləri sosial şəbəkələrdə sürətlə yayılıb və geniş müzakirələrə səbəb olub. Bir çox istifadəçi ictimai istirahət məkanına silahla gəlməyin yolverilməz olduğunu vurğulayaraq hadisəyə sərt reaksiya verib.

Telegramda izləyin