Təhlükəsizlik kamerasına düşən görüntülər qadını dəhşətə gətirdi - VİDEO

Evində təhlükəsizlik kamerası quraşdıran qadın kameraya düşən müəmmalı görüntülər qarşısında böyük şok yaşayıb.

Sonxeber.az türk mediasına istinadən xəbər verir ki, qadının qapısının önünə hər gecə saat 00:59-01:00 radələrində naməlum bir şəxs gələrək təhlükəsizlik kamerasının obyektivinə uzun müddət hərəkətsiz şəkildə baxıb. Qadın görüntülərdəki şəxsin qonşusuna bənzədiyini düşünərək məsələni aydınlaşdırmaq qərarına gəlib.

O, qonşusunun qapısını döyərək baş verənləri soruşsa da, gözlənilməz cavabla qarşılaşıb. Qonşu qapının qarşısına gələn şəxsin özü olmadığını bildirərək, "O gələn şəxs qətiyyən mən deyiləm", - deyə cavab verib.

Müəmmalı hadisənin səbəbi hələ də məlum deyil. Qadının təhlükəsizlik kamerasına düşən görüntülər məhəllə sakinləri arasında narahatlıq və müxtəlif müzakirələrə səbəb olub.

Telegramda izləyin