Prezidentin səfir təyin etdiyi Rəşad Aslanov kimdir? - DOSYE
Prezident İlham Əliyevin sərəncamı ilə Rəşad Aslanov Azərbaycanın İtaliyada, eyni zamanda Malta, San-Marino və ölkəmizin Birləşmiş Millətlər Təşkilatının Ərzaq və Kənd Təsərrüfatı Təşkilatı, Ümumdünya Ərzaq Proqramı, Kənd Təsərrüfatının İnkişafı üzrə Beynəlxalq Fondu yanında daimi nümayəndəsi vəzifələrindən geri çağırılaraq Türkiyəyə səfir təyin olunub.
Oxu.Az Rəşad Aslanovun dosyesini təqdim edir:
Rəşad Aslanov 13 oktyabr 1977-ci ildə anadan olub. Bakı Dövlət Universitetini Beynəlxalq münasibətlər və Beynəlxalq hüquq fakültəsində, həmçinin beynəlxalq hüquq üzrə magistr (fərqlənmə ilə) təhsili alıb. Bundan başqa, Birmingem Universitetinin İnsan Hüquqları, Hüquq və Təcrübə üzrə Peşəkar İnkişaf Kursuna, həmçinin Dövlət İdarəçilik Akademiyasında Beynəlxalq Müqavilələr Hüququ üzrə mühazirəçi təhsilinə yiyələnib.
1999-cu ildə Xarici İşlər Nazirliyinin Beynəlxalq hüquq və müqavilələr idarəsinin referenti, 2004-cü ildə Xarici İşlər Nazirliyinin Beynəlxalq hüquq və müqavilələr idarəsinin attaşesi, üçüncü katibi vəzifəsinə təyin edilib.
Daha sonra, 2004-2008-ci illər aralığında Azərbaycan Respublikasının İtaliya Respublikasındakı səfirliyinin üçüncü və ikinci katibi, Azərbaycan Respublikasının İtaliyanın Roma şəhərində yerləşən BMT Agentlikləri yanında daimi nümayəndənin müavini vəzifəsində işləyib.
2009-cu ildə XİN-in Beynəlxalq hüquq və müqavilələr idarəsinin birinci katibi vəzifəsinə təyin olunub.
2011-16-cı illər aralığında XİN rəhbərinin köməkçisi işləyib.
2016-cı ildə Argentinada müvəqqəti işlər vəkili vəzifəsinə təyin edilib.
2016-22-ci illər aralığında Azərbaycanın Argentina Respublikasında fövqəladə və səlahiyyətli səfiri, eyni zamanda, iqamətgahı Buenos-Ayres şəhərində olmaqla, AR-in Çili Respublikasında, Paraqvay Respublikasında, Çoxmillətli Boliviya Dövlətində və Uruqvay Şərq Respublikasında fövqəladə və səlahiyyətli səfiri vəzifələrində çalışıb.
2022-ci ildən bu günə qədər isə İtaliyada Azərbaycan səfiri vəzifəsində işləyib.
2023-cü ildə isə Azərbaycanın BMT Agentlikləri yanında (FAO, ÜƏP, IFAD) daimi nümayəndəsi, San-Marino Respublikasında fövqəladə və səlahiyyətli səfiri (iqamətgahı Roma şəhərində olmaqla), Malta Respublikasında fövqəladə və səlahiyyətli səfiri (iqamətgahı Roma şəhərində olmaqla) vəzifəsində işləyib.
İngilis, rus, türk, italyan, ispan dillərində sərbəst, ərəb dilində isə orta səviyyədə danışa bilir.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"