Seda Sayandan Haluk Leventlə bağlı müzakirələrə səbəb olacaq açıqlama - VİDEO

Türkiyəli tanınmış müğənni Seda Sayan Ahbap Dərnəyinə dair aparılan istintaq çərçivəsində həbs olunan Haluk Levent haqqında diqqət çəkən açıqlama verib.

Sonxeber.az türk mediasına istinadən xəbər verir ki, İstanbulda yerləşən ticarət mərkəzlərindən birində alış-veriş edərkən jurnalistlərin suallarını cavablandıran sənətçi, Ahbap Dərnəyinə heç vaxt ianə etmədiyini bildirib.

"Mən AHBAP-a ianə etməmişəm. Uzaqgörən bir qadınam. Haluk Leventi əvvəldən tanıdığım üçün ianələrimi hər zaman dövlətimin tövsiyə etdiyi qurumlara etmişəm", - deyə Seda Sayan bildirib.

Onun bu sözləri qısa müddətdə sosial şəbəkələrdə geniş müzakirələrə səbəb olub.

Qeyd edək ki, Ahbap Dərnəyi ilə bağlı aparılan istintaq çərçivəsində Haluk Levent barəsində həbs qətimkan tədbiri seçildiyi bildirilir. Rəsmi araşdırma davam edir.

Telegramda izləyin