Xanımı ilə sağollaşandan iki saat sonra şəhid oldu - Rəfail İşiyevin son FOTOSU

Xanımı ilə sağollaşandan iki saat sonra şəhid oldu - Rəfail İşiyevin son FOTOSU"Səhər 45 dəqiqə danışdıq. Bir-iki saat sonra şəhid oldu..."

Sonxeber.az xəbər verir ki, bunu Modern.az-ın "Şəhiddən qalan son foto" rubrikasında söhbət zamanı Xocavənd istiqamətində gedən döyüşlərdə şəhid olan Rəfail Əhmədağa oğlu İşiyevin həyat yoldaşı Sevda İşiyeva deyib.

O, həyat yoldaşının şəhadətindən əvvəl çəkilmiş son fotosuna baxarkən ilk ağlına gələn xatirələri bölüşüb:

"O günləri xatırlamaq mənim üçün çox çətindir. Yoldaşım işlədiyi illər ərzində harada xidmət edirdisə, biz də onunla birlikdə orada yaşayırdıq. Əsasən sərhəd bölgələrində olmuşuq. 44 günlük Vətən müharibəsi başlamazdan əvvəl ondan yalnız bir xahişim olmuşdu. Demişdim ki, nə olur-olsun, imkan düşən kimi mənə səsini eşitdirsin. Tək istəyim o idi ki, bilim sağdır.

Döyüşlər zamanı yoldaşım iki dəfə ağır yaralandı. Hər ikisində hospitalda müalicə olundu. Amma buna baxmayaraq, üçüncü dəfə yenidən döyüşlərə qatıldı. Noyabrın 1-də Xocavənd istiqamətinə yollandı.

Noyabrın 2-də orada bayraq sancdı. Halbuki bu, onun xidməti vəzifəsi deyildi. Yoldaşım həm sürücü, həm də mexanik idi. Amma ürəyində elə böyük Vətən eşqi vardı ki, həmişə ön cəbhəyə can atırdı. Bayrağı hər şeydən üstün tuturdu.

Xanımı ilə sağollaşandan iki saat sonra şəhid oldu - Rəfail İşiyevin son FOTOSU2 noyabr 2020-ci il, Rəfail İşiyev döyüş yoldaşları ilə birlikdə

Bu şəkil də həmin günə aiddir. Gündüz bayraq sancmışdı, bu isə noyabrın 2-dən 3-nə keçən gecə çəkdirdiyi şəkildir.

Həmin gecə mənə səhərə qədər ara-sıra, iki-üç saatdan bir zəng edirdi. Hər dəfə eyni sözləri deyirdi: "Yaxşıyam, hər şey yaxşı olacaq. Uşaqlardan muğayat ol, özündən muğayat ol".

Əslində, yoldaşım çox danışan insan deyildi. Ona görə də təəccüblənirdim ki, gecənin o vaxtı mənə tez-tez zəng edir, uzun-uzadı danışır.

Uşaqları mənə tapşırarkən dedi ki, onları məşğələlərdən geri qoyma, qoy davam etsinlər. Sonra əlavə etdi ki, gəlib səni həkimə aparacağam, özüm də müayinədən keçəcəyəm. Çünki yaralı halda yenidən döyüşə qayıtmışdı və bədəni çox ağrıyırdı".

Şəhid xanımı deyir ki, hər dəfə onun bu son fotosuna baxanda ilk növbədə həmin gecə ona dediyi sözlər yadına düşür:

"Heç hiss etdirmədi ki, çox çətin vəziyyətdədirlər. Halbuki sonradan bildim ki, bu şəkli çəkdirdikləri ərazidən çıxmaq demək olar ki, mümkün deyilmiş. Onlar da bunu bilirmişlərlər. Nə olacağını az-çox təsəvvür ediblər. Amma yenə də ümidlərini itirməyiblər. Deyiblər ki, Allahın işidir, ya sağ çıxarıq, ya da şəhid olarıq.

…Səhər açıldı. Saat 07:30 olardı, yenə mənə zəng vurdu. Təxminən 45 dəqiqə zənglə danışdıq. Mən yenə də təəccüblənirdim. Düşünürdüm ki, necə olur, döyüş şəraitində mənə bu qədər vaxt ayıra bilir. Çünki adi vaxtlarda çox danışan biri deyildi.

Biz sağollaşdıqdan təxminən bir-iki saat sonra isə şəhid olub".

Müsahibimizin sözlərinə görə, uzun müddət həyat yoldaşının şəhid olduğunu qəbullana bilməyib:

"Çünki mənimlə danışmışdı, mənə ümid vermişdi. Elə bilirdim ki, mütləq evə qayıdacaq.

O vaxt Beyləqanda, sərhəd bölgəsində yaşayırdıq. Heç cür inana bilmirdim.

Kirayədə qaldığımız evi düz 5 ay təhvil vermədim. Düşünürdüm ki, birdən qayıdar, deyər ki, evi niyə özbaşına təhvil vermisən?

Axırda böyüklərin təkidi ilə 5 aydan sonra evi təhvil verdim. Amma o zaman da beynimdə eyni fikir vardı. Düşünürdüm ki, birdən gəlib deyər, niyə özbaşına evi təhvil vermisən, axı mən sağam.

Uzun müddət beləcə düşüncələrlə yaşadım. İnsan yaşadıqca, hər şeyə alışır. Bəlkə də tam qəbullanmır, amma zaman keçdikcə yaşamağı öyrənir. Bu fotoya hər dəfə baxanda da yalnız həmin gecə, həmin söhbətlər və o xatirələr gözümün önündə canlanır.

Yoldaşım çox ailəcanlı, uşaqlarına hədsiz bağlı bir ata idi. Həmişə onun atalığına heyranlıqla baxırdım.

Ağır və yorucu işdən gəlməsinə baxmayaraq, uşaqları ilə vaxt keçirmədən heç vaxt dincəlməzdi. Onun üçün ən böyük istirahət uşaqları ilə birlikdə olmaq idi. Nə qədər yorğun olsa da, onlarla oynayar, vaxt keçirərdi. Mən bəzən uşaqlara deyirdim ki, atanız yorğundur. O isə dərhal deyirdi ki, dəymə uşaqlara, qoy oynasınlar.

Hətta bəzən deyirdi ki, vaxt tapsaydım, bu iki oğlanı götürüb kişi kimi bir yerdə çay içərdim.

Çox qayğıkeş ata idi.

Mən həmişə deyirəm ki, təkcə həyat yoldaşımı itirmədim. Mən bir dost, sirdaş itirdim. O, mənə hər zaman dost, dəstək, dayaq oldu. Həqiqətən də əsl dostun necə olduğunu onun timsalında gördüm. Həyat yoldaşı hər kəs ola bilər, amma hər həyat yoldaşı insanın əsl dostu, sirdaşı ola bilmir.

Tanrı bütün yaxşı insanları qorusun. Bu dünyadan köçənlərə Allah rəhmət eləsin. Şəhidlərin yeri, məqamı tamam başqadır. Şəhidlərin, Rəfailin cənnətdə olduğuna bütün qəlbimlə inanıram.

Qəbrləri nurla dolsun".

Rəfail Əhmədağa oğlu İşiyev 4 sentyabr 1979-cu ildə Cəlilabad rayonunda dünyaya göz açıb. O, ömrünün 16 ilini Azərbaycan Ordusunda xidmətə həsr edib, bu müddətdə PDM (BMP) mütəxəssisi kimi fəaliyyət göstərib. 2016-cı ilin Aprel döyüşlərində, eləcə də Vətən müharibəsində iştirak edib.

Cəbrayılın azadlığı uğrunda döyüşlərdə idarə etdiyi PDM vurulub. Yaralanmasına baxmayaraq, iki gün sonra yenidən cəbhəyə qayıdıb, yaralı döyüş yoldaşının PDM-ni idarə edərək Cəbrayıl və Füzuli istiqamətində gedən döyüşlərdə düşmənə ağır zərbələr vurub. İkinci dəfə texnikası vurulub və yenidən yaralanıb. Lakin bir müddət sonra ermənilərdən qənimət götürülən üçüncü PDM ilə döyüşlərə qoşulub, sonadək vuruşub. Son döyüşü Xocavənd istiqamətində olub və 3 noyabr tarixində həmin istiqamətdə şəhidlik zirvəsinə ucalıb.

Rəfail İşiyev ölümündən sonra Prezident İlham Əliyevin Sərəncamı ilə "Vətən uğrunda", "İgidliyə görə", "Şuşanın azad olunmasına görə", "Xocavəndin azad olunmasına görə", "Füzulinin azad olunmasına görə", "Cəbrayılın azad olunmasına görə" medalları, həmçinin 3-cü dərəcəli "Vətənə xidmətə görə" ordeni ilə təltif edilib.


Sonxeber.az
Telegramda izləyin
Sosial   Baxılıb: 660   Tarix: 28 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Evə buraxılan qadın xəstəxana həyətində öldü

Bakıda 65 yaşlı qadın xəstəxananın həyətində vəfat edib. "Qafqazinfo" xəbər verir ki, hadisə Sabunçu rayonunda baş verib. Noyabrın 15-i saat 16 radələrində Maştağa qəsəbə sakini 1961-ci il təvəllüdlü Mətanət Ağasəlim qızı Məlikova qidadan (turşudan) zəhərlənərək xəstəxanaya yerləşdirilib. On

17 noyabr
.

Bakıda külək hasarı aşırdı - Qadın daşların altında qalıb öldü

Güclü külək Bakıda bədbəxt hadisəyə səbəb olub. "Qafqazinfo" xəbər verir ki, dünən saat 18:30 radələrində güclü külək Binəqədi rayonu Xocəsən qəsəbəsi Şollar küçəsi 100 ünvanındakı həyətin hasarını uçurub. Nəticədə, orada piyada hərəkət edən 1978-ci il təvəllüdlü Nuriyeva Samirə Nəsir qız

16 noyabr
.

Balıq bazarında bahalaşma var - Video

Bir həftədir bəzi balıqların qiymətində artım müşahidə olunur. Xəzər TV-yə istinadən bildirir ki, balıq almaq istəyənlər bazarda fərqli qiymətlərlə qarşılaşırlar. Satıcıların sözlərinə görə, ötən həftə ilə müqayisədə bəzi balıq növlərinin qiymətində artım var. Xüsusilə İrandan gətirilən məhsullarda bahalaşm

15 noyabr
.

Milli teleradio: Dövlətçilik ənənələrinin, milli kimliyin və Azərbaycan həqiqətlərinin təbliğində strateji vasitə

"Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə ünvanladığı müraciət ölkəmizin informasiya siyasətinin əsas istiqamətlərini, milli medianın cəmiyyət və dövlət qarşısındakı məsuliyyətini, eləcə də müasir dövrdə informasiya təhlükəsizliyini

16 noyabr
.

Universitetlərə qəbul imtahanları ləğv edilə bilər? - Azərbaycanda yeni sistemə keçid mümkündürmü? - TƏHSİL EKSPERTİNDƏN AÇIQLAMA

Dünyanın bir sıra ölkələrində universitetlərə qəbul zamanı abituriyentlərin orta məktəb illərindəki akademik göstəriciləri əsas meyar kimi nəzərə alınır. Bu təcrübə Azərbaycanda da ali təhsil müəssisələrinə qəbul sisteminin dəyişdirilməsi məsələsini gündəmə gətirir. Bəs ölkəmizdə qəbul imtahanlarını

17 noyabr
.

637 balla universitetə qəbul olmuşdu: Yataqxanada ölən tələbə ilə bağlı yeni təfərrüat

Yataqxanada meyiti tapılan tələbə qızın ölümü ilə bağlı bəzi təfərrüat məlum olub. -a istinadən xəbər verir ki, 2007-ci il təvəllüdlü Elmira Eyyubova 2024-cü ildə 637 bal toplayaraq Azərbaycan Tibb Universitetinə qəbul olub. O, universitetin yataqxanasına bir müddət əvvəl köçübmüş. Elmira iki il Bakıd

16 noyabr
.

Direktorların işə qəbul nəticələri - Açıqlandı

2026-cı ildə keçirilmiş direktorların işə qəbulu müsabiqəsinin nəticələri elan edilib. "Qafqazinfo" xəbər verir ki, bu barədə MÜTDA məlumat yayıb. Bildirilib ki, müsabiqədə müəyyən edilmiş tələblərə cavab verən 463 nəfər uğur qazanıb. Namizədlərin müsabiqə nəticələri barədə məlumatlar onları

16 noyabr
.

Mediaya ayrılan pul çox azdır - Deputat

Mediaya ayrılan pul çox azdır. xəbər verir ki, bunu Milli Məclisin bu gün keçirilən plenar iclasında 2027-ci ilin dövlət büdcəsi zərfinin müzakirəsində deputat Hikmət Babaoğlu deyib. Deputat bildirib ki, düşüncəni, milli düşüncə platformasının keyfiyyətini təyin edən mediadır, televiziyalardır, televiziy

16 noyabr
.

Daha bir vəkil həbs edildi

Azərbaycanda daha bir vəkil həbs edilib. "Qafqazinfo"nun əldə etdiyi məlumata görə, vəkil Elçin Əmirov polis tərəfindən tutulub. 9 saylı vəkil bürosunda fəaliyyət göstərən vəkil polisə daxil olan vətəndaş şikayəti əsasında cinayət məsuliyyətinə cəlb edilib. Ona qarşı Cinayət Məcəlləsinin 178.2.2-c

16 noyabr