Əvvəl keçmiş sevgilisini güllələdi, sonra intihar etdi - VİDEO

Türkiyənin Yalova vilayətində baş verən qanlı hadisənin təhlükəsizlik kamerası görüntüləri yayılıb.

Sonxeber.az türk mediasına istinadən xəbər verir ki, hadisə Çiftlikköy rayonunda yerləşən daşınmaz əmlak ofisində qeydə alınıb. Məlumata görə, 49 yaşlı Gül Nihal Akçal mübahisə etdiyi daşınmaz əmlak agenti Enes Vasfi Yerlikayanı tapança ilə güllələyərək öldürüb. Ardınca eyni silahla öz həyatına son qoyub.

Yayılan təhlükəsizlik kamerası görüntülərində qadının əvvəl Yerlikayaya atəş açdığı, daha sonra silahı özünə tuşlayaraq intihar etdiyi əks olunub.

Hadisə yerinə polis və təcili tibbi yardım briqadaları cəlb olunub. Həkimlər hər iki şəxsin hadisə yerində həyatını itirdiyini müəyyən ediblər.

İlkin araşdırmalar zamanı Gül Nihal Akçal ilə Enes Vasfi Yerlikayanın vaxtilə sevgili olduqları, lakin hazırda hər ikisinin evli olduğu məlum olub. Faktla bağlı cinayət işi üzrə araşdırma davam etdirilir.

Telegramda izləyin