Dava salmaq istəyən çörək sexi sahibi güllələnərək öldürülüb - VİDEO

İstanbulun Bayrampaşa rayonunda çörək sexinin qarşısında baş verən mübahisə faciə ilə nəticələnib. Tərəfləri sakitləşdirməyə çalışan çörək sexinin sahibi Mehmet Pehlivan açılan atəş nəticəsində həyatını itirib.

Sonxeber.az xarici mediaya istinadla xəbər verir ki, hadisə "Nə baxırsan?" sözləri ilə başlayan mübahisədən qaynaqlanıb. Əvvəlcə bir qadın ilə çörək sexində olan müştəri arasında yaranan mübahisə qısa müddətdə başa çatsa da, təxminən 25 dəqiqə sonra qadın həyat yoldaşı ilə birlikdə hadisə yerinə qayıdaraq müştəriyə hücum edib. Bundan sonra dava böyüyüb və qarşı tərəfin ailə üzvləri də münaqişəyə qoşulublar.

Dava zamanı Enis Emre Canbaz üzərində gəzdirdiyi silahı çıxarıb. Yaşanan qarşıdurma zamanı silahdan açılan atəş nəticəsində tərəfləri ayırmağa çalışan çörək sexinin sahibi Mehmet Pehlivan sinəsindən güllə yarası alıb.

Yaralı xəstəxanaya çatdırılsa da, həkimlərin səylərinə baxmayaraq həyatını xilas etmək mümkün olmayıb.

Polis təhlükəsizlik kameralarının görüntülərini araşdırdıqdan sonra hadisədə iştirak edən Enis Emre Canbaz, Raşit Özbek və onun atası Cemil Özbeki saxlayıb. Faktla bağlı istintaq davam etdirilir.

Telegramda izləyin