Azərbaycanda qadın vətəndaşın 5100 manat pulunu mənimsəyib - İDDİA

Azərbaycanda qadın vətəndaşın 5100 manat pulunu mənimsəyib.

Bunu Sonxeber.az-a müraciət edən Günel Məmmədova.(ad və soyad şərtidir -red) bildirib.

Günel Məmmədova qeyd edib ki, Məmmədova Ləman Xaliq qızından 1 ildir ki, pulunu geri ala bilmir:

"İyul ayının 4-ü ona 35.77 qram qızıl vermişəm. Ləman Məmmədova mənə 5100 manat dəyərində qızıl gətirməli idi. Keçən ilin avqustunda ona əlimlə 3000 manat məbləğində pul vermişəm. Sentyabrda isə pulumu qaytarmalı idi. Amma Ləman Məmmədova sentyabrda heç bir zəngimi açmadı. Oktyabrda Ləman Məmmədovanın mənə qarşı etdiyi dələduzluqla bağlı Daxili İşlər Nazirliyinə müraciət etdim. Nazirlikdə məni qəbul etdilər və məsələ ilə izahat yazdım.
Məndən sonra isə qarşı tərəf Ləman Məmmədova, Xaliq qızı nazirliyə çağırılıb. Ləman Məmmədova yazdığı izahatda törətdiyi əməli boynuna alıb və pulu geri qaytaracağını söyləyib. Mənim işim Xətai Rayon Polis İdarəsinin 35-ci Polis Bölməsinə göndərildi. Gedib orda da izahat yazdım. Mənim işimi ordan Xətai Rayon Prokurorluğuna göndərildi. Xətai Rayon Prokurorluğundan məlumat gəldi ki, işim geri göndərildi. Ləman Məmmədova polisə ifadəsində yalandan qeyd edib ki, guya mənə 2000 vermək istəyib götürməmişəm. Müstəntiq də qeyd etdi ki, elədirsə indi gətir ver. O, isə guya indi pulunun olmadığını bildirdi. Xətai Rayonu Polis İdarəsində Ləman Məmmədova bildirdi ki, 30 iyul da mənə 2500 manat pul verecek. Amma hələ də xəbər yoxdur. Ləman Məmmədova mənimlə birlikdə bir neçə nəfəri də aldadıb. Onun həyat yoldaşı Azərişıq ASC-də işləyir. Azərbaycan Respublikasının Daxili İşlər naziri general-polkovnik cənab Vilayət Eyvazovdan xahiş edirəm mənim işimlə bağlı tapşırıq versin. İnsanları aldadaraq pulunu mənimsəyən bu qadın qanunla öz cəzasını alsın".

Məsələ ilə bağlı Ləman Məmmədova ilə əlaqə saxladıq.

Ləman Məmmədova məsələ ilə bağlı polisə ifadə verdiyini bildirib:

"O xanım mənimlə bağlı iki dəfə polisə müraciət edib. Ona bildirib ki, iş mülki məsələ olduğuna görə məhkəməyə müraciət etsin".

Telegramda izləyin