İran Ukraynadakı üç obyektə zərbə endirməyə hazırdır - baş hərbi müşavir

İranın dövlətə bağlı Press TV-nin verdiyi məlumata görə, İran iyulun sonlarında Xəzər dənizində ticarət gəmilərindən birinə edilən hücumla əlaqədar Ukraynadakı üç obyektə hücum etməyə hazır idi.

Sonxeber.az CNN-ə istinadən xəbər verir ki, bu barədə bazar ertəsi Ali Rəhbər Mojtaba Xameneinin baş hərbi müşaviri bildirib. Mohsen Rezaei İran dövlət televiziyasına verdiyi müsahibədə bildirib ki, "Biz Ukraynada üç əraziyə hücum etməyə hazır idik. Lakin onlar bunun səhv olduğunu iddia etdikdən sonra biz onların iddiasını araşdırmaq üçün cavab tədbirlərimizi dayandırdıq". Ötən həftə Tehran Kiyevi dəmir yük daşıyan İran ticarət gəmisinə zərbə endirməkdə ittiham etdi, nəticədə bir dənizçi həlak oldu və üç nəfər yaralandı. Kiyev Xəzər dənizində hərbi yük daşıyan iki Rusiya gəmisinə dron hücumları etdiyini bildirmişdi.

İran rəsmiləri qisas tədbirləri ilə bağlı xəbərdarlıq etmişdi, lakin iki ölkənin yüksək vəzifəli diplomatları arasında telefon danışığından sonra gərginlik azalmışdı. Bundan sonra İranın xarici işlər naziri Abbas Araqçi ukraynalı həmkarının ona İran gəmisinə hücumun qəsdən edilmədiyini bildirib. Rezaei bazar ertəsi günü əlavə edib ki, "səhv olsa belə, yenə də kompensasiya tələb olunacaq". Eyni müsahibədə Rezaei İranın ABŞ ilə deyil, yalnız Omanla Hörmüz boğazı ilə bağlı danışıqlara diqqət yetirdiyini bildirib. "Əgər blokada davam edərsə, ABŞ qüvvələri itkilərlə üzləşəcək", - deyən Rezaei əlavə edib ki, Vaşinqton "davranışını dəyişdirməli və öhdəliklərinə əməl etməlidir".

Telegramda izləyin