AB Ukraynadan olan qaçqınların statusu ilə bağlı yeni plan hazırlayır

Avropa Birliyi Ukraynadan gələn milyonlarla qaçqının gələcək hüquqi statusu ilə bağlı yeni mexanizmlər üzərində işləyir.

Sonxeber.az The Guardian-a istinadən xəbər verir ki, məqsəd müharibənin uzanması fonunda müvəqqəti müdafiə rejiminin gələcək taleyini müəyyənləşdirmək və üzv ölkələr arasında vahid yanaşma formalaşdırmaqdır.

Məlumata görə, AB-də müzakirə olunan variantlar arasında qaçqınların daha uzunmüddətli yaşayış icazəsi əldə etməsi, əmək bazarına inteqrasiyasının genişləndirilməsi və könüllü geri dönüş proqramlarının hazırlanması da var. Bir sıra üzv dövlətlər mövcud sistemin uzun müddət davam etdirilməsinin çətinləşdiyini bildirirlər.

Hazırda Avropa ölkələrində milyonlarla ukraynalı müvəqqəti müdafiə statusu ilə yaşayır. Avropa Komissiyası hesab edir ki, gələcək qərarlar həm Ukraynadakı vəziyyət, həm də üzv dövlətlərin qəbul imkanları nəzərə alınmaqla qəbul edilməlidir.

Telegramda izləyin