ABŞ-İran müharibəsində son durum: Danışıqlarda irəliləyiş olsa da, gərginlik qalır

ABŞ və İran arasında aylardır davam edən qarşıdurmanın dayandırılması istiqamətində diplomatik səylər güclənib. ABŞ prezidenti Donald Tramp danışıqların məhsuldar keçdiyini bildirərək tərəflər arasında "çox yaxşı müzakirələrin" aparıldığını və yaxın günlərdə mühüm açıqlamaların verilə biləcəyini deyib.

Sonxeber.az CNN-ə istinadən xəbər verir ki, vasitəçilər, o cümlədən Qətər və Oman, tərəflər arasında gərginliyin azaldılması və strateji əhəmiyyət daşıyan Hörmüz boğazının yenidən tam şəkildə açılması üçün danışıqları davam etdirirlər. Rəsmilər müəyyən irəliləyiş əldə olunduğunu bildirsələr də, yekun razılaşmanın hələ imzalanmadığını vurğulayırlar.

Bununla yanaşı, Vaşinqton Tehrana xəbərdarlıq edərək bildirib ki, əgər danışıqlar nəticəsiz qalarsa, hərbi təzyiq yenidən arta bilər. İran isə gərginliyi artırmaq niyyətində olmadığını, lakin istənilən hücuma cavab verməyə hazır olduğunu bəyan edib.

Telegramda izləyin