The Times: "Süni intellekt dövründə təhsil sistemi dəyişməlidir"

Böyük Britaniyanın The Times nəşrində dərc olunan məqalədə müəllimlər və təhsil mütəxəssisləri bildirirlər ki, mövcud imtahan yönümlü təhsil modeli artıq müasir dövrün tələblərinə tam cavab vermir. Onların fikrincə, məktəblər yalnız akademik biliklər deyil, həm də şagirdlərdə emosional intellekt, ünsiyyət bacarıqları, tənqidi düşüncə və çətinliklərin öhdəsindən gəlmək kimi keyfiyyətləri inkişaf etdirməlidir.

Məqalədə qeyd olunur ki, süni intellektin sürətlə inkişaf etdiyi bir dövrdə yalnız əzbərçiliyə əsaslanan təhsil yanaşması kifayət etmir.

Sonxeber.az The Times-a istinadən xəbər verir ki, təhsil sistemi şagirdləri gələcəyin əmək bazarına hazırlamalı, nəzəri biliklərlə yanaşı praktik bacarıqların da inkişafına üstünlük verməlidir.

Müəlliflər həmçinin vurğulayırlar ki, şagirdlərin uğurunda ailə dəstəyinin rolu böyükdür. Onların fikrincə, təhsil islahatları valideynlərin prosesə daha fəal cəlb olunması ilə müşayiət edilməlidir. Məqalədə akademik və peşə təhsilini birləşdirən yeni modelin gələcək üçün daha uyğun həll yolu ola biləcəyi qeyd edilir.

Telegramda izləyin