Niyə bəzi qadınlar psixopat həyat yoldaşlarına tabe olurlar? - PSİXOLOQDAN AÇIQLAMA

Məişət zorakılığı və ailədaxili psixoloji təzyiqlə bağlı maarifləndirici kampaniyaların, sosial çarxların və hüquqi mexanizmlərin artmasına baxmayaraq, hələ də psixoloji və ya fiziki zorakılığa məruz qalan bəzi qadınlar münasibəti tərk etmir, əksinə, həyat yoldaşına tabe olmağa davam edir. Xüsusilə manipulyativ, aqressiv və psixopatik xüsusiyyətlər nümayiş etdirən şəxslərlə yaşayan qadınların belə münasibətlərdə qalması cəmiyyətdə tez-tez suallar doğurur. Bəs bu davranışın arxasında hansı psixoloji amillər dayanır?

Qorxu, emosional asılılıq, aşağı özünəinam, iqtisadi bağlılıq, yoxsa uzunmüddətli manipulyasiya? Bu davranışın səbəbləri nələrdir və belə münasibətlərdən çıxmağı çətinləşdirən əsas amillər hansılardır?
Mövzu ilə bağlı psixoloq Samirə Bağırova Sonxeber.az-a açıqlamasında bildirdi ki, əslində bu mövzuya bir tərəfli fikir bildirmək olmur. Onun sözlərinə görə, insanlar uşaqlıqdan gördüyü ailə modelini "normal" hesab edirlər: "Məsələn, qız uşağı anasının bütün qərarları atadan soruşduğunu görərək böyüyübsə, bunu ailə həyatının təbii qaydası kimi qəbul edə bilər. Həm də müqayisə etsək əvvəlki illərdə demək olar ki, bir çox ailələr "ata nə dedisə odur" devizi ilə yaşayıblar. Bu gün qadın və kişinin bərabər imkanlara malik olduqlarını, qadın hüquqlarının irəlilədiyini görə bilərik, amma müstəqil qərar vermək, məsuliyyət daşımaq bəzi insanlar üçün qərarı başqasının verməsi psixoloji baxımdan daha rahatdır.

Səbəb ola bilər özünəinamın zəif olması, yaxud insan öz fikrinə kifayət qədər güvənməyəndə, qarşı tərəf "məndən yaxşı bilir" deyə düşünərək birinə söykənməyə meylli olur. Emosional və ya psixoloji asılılıq səbəb ola bilər ki, hətta münasibət zərərli olsa belə, yoldaşını tərk etmək ona naməlum gələcəkdən daha qorxulu görünə bilər. Çarəsizlik səbəb ola bilər məsələn, əgər illərlə qadın fikrinin nəzərə alınmadığını və heç nəyi dəyişə bilmədiyini yaşayırsa, zamanla mübarizə aparmaqdan imtina edir. Digər səbəblərdən olan "qadın ərinin sözündən çıxmamalıdır" kimi köhnə stereotiplər hələ də davam etməsidir və buda təsir etməyə davam edə bilir".

Telegramda izləyin