İsrail İrana qarşı müharibəyə qoşula bilər? - POLİTOLOQDAN AÇIQLAMA

Yaxın Şərqdə təhlükəsizlik vəziyyətinin yenidən gərginləşməsi fonunda İsrailin İrana qarşı mümkün hərbi əməliyyatlara qoşula biləcəyi ilə bağlı iddialar beynəlxalq gündəmdə geniş müzakirə olunur.

Rəsmi səviyyədə yekun qərar açıqlanmasa da, bölgədə baş verən son hadisələr və tərəflərin sərt bəyanatları münaqişənin daha geniş coğrafiyaya yayılması ehtimalını gündəmə gətirib. Belə bir ssenarinin reallaşacağı təqdirdə isə bunun təkcə Yaxın Şərqin deyil, qlobal təhlükəsizlik və enerji bazarlarının gələcəyinə də ciddi təsir göstərəcəyi bildirilir.

Mövzu ilə bağlı politoloq Rəsul Tağıyev Sonxeber.az-a açıqlamasında bildirdi ki, İsrailin İrana qarşı hərbi əməliyyatları genişləndirməsi ehtimalı Yaxın Şərqdə təhlükəsizlik balansını daha da dəyişə bilər. Onun sözlərinə görə, belə bir ssenaridə münaqişənin təkcə iki ölkə arasında qalması çətin görünür: "İranın regiondakı müttəfiqlərinin prosesə cəlb olunması, eləcə də ABŞ və digər Qərb dövlətlərinin mövqeyi hadisələrin gedişinə birbaşa təsir edəcək.

Müharibənin genişlənməsi enerji bazarlarında qiymət artımına, beynəlxalq ticarət marşrutlarında problemlərə və qlobal iqtisadiyyatda yeni risklərin yaranmasına səbəb ola bilər. Bu baxımdan tərəflərin hərbi addımları ilə yanaşı, diplomatik kanalların açıq saxlanılması da böyük əhəmiyyət daşıyır".

Telegramda izləyin